Auld Lang Syne

Robert Burns, 1788;  

Should auld acquaintance be forgot,
And never brought to mind?
Should auld acquaintance be forgot
And auld lang syne! 

Chorus
For auld lang syne, my dear,
For auld lang syne,
We'll tak a cup o' kindness yet
For auld lang syne. 

2. And surely ye'll be your pint stowp!
And surely I'll be mine!
And we'll tak a cup o' kindness yet,
For auld lang syne.
Chorus 

3. We twa hae run about the braes
And pou'd the gowans fine;
But we've wander'd mony a weary fit,
Sin' auld lang syne.
Chorus 

4. We two hae paidled i' the burn,
Frae morning sun till dine;
But seas between us braid hae roar'd
Sin' auld lang syne.
Chorus 

5. And here's a hand, my trusty fere!
And gie's a hand o' thine!
And we'll tak' a right gude-willy waught,
For auld lang syne.
Chorus